港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【頭條獨家】初入行要食藥減壓朱紫嬈入行十年睇化晒

即時娛樂

更新時間：08:42 2020-09-15 HKT
發佈時間：23:30 2020-09-14 HKT

日前下午，朱紫嬈為「頭條娛樂fb專頁」開Live現場演繹新歌《花.醉》。

相隔4年，朱紫嬈(Khloe)自資推出新歌《花.醉》作為入行10周年禮物。日前下午朱紫嬈還為「頭條娛樂fb專頁」開Live現場演繹，靚聲令網民激讚，連Kellyjackie都入嚟做埋聽眾，仲承諾會接力做直播，唱靚歌畀《頭條日報》讀者聽。對於轉眼對於轉眼入行10周年，朱紫嬈形容歲月催人老，𠵱家喺生活同工作上都睇化晒，唯獨對音樂熱誠不變。採訪：方騫平攝影：李維隆場地及直播技術：啟斯音樂@AbsoluteMusicLimited 樂手：Chris Mak，Brian Chan 髮型：Terrence Chan @HAiR

新歌《花.醉》碌咗唔少人情卡，喺疫情下減輕好多成本。

10年前，鄧建明出席金牌大風新人朱紫嬈首張EP《Love Expression》發佈會。

雖然疫情下少咗收入，但朱紫嬈依然揼本落去做新歌，而《花.醉》係唱出入行10年嘅心聲：「10年時間真係唔短，當日好多親密戰友都各散東西，好似鄧芷茵、吳彤、韋雄、鄭家維咁，唔係移民就成家立室離開咗歌壇，如果唔係鍾意音樂嘅心永遠喺度，真係好難捱到今時今日。」

當年由已故音樂人黎小田帶她入行。

朱紫嬈同糖妹同時間出道，但至今糖妹依然童顏。

長期失眠未有改善
朱紫嬈自爆長期失眠，至今狀況未有改善，只係比以前冇咁緊張：「初入行時負能量好重，工作同感情方面好易令自己唔開心，而且去到病態地步，試過要睇醫生，食藥嚟放鬆自己，好彩𠵱家睇化咗，雖然仲有失眠，但都叫可以Keep到情緒，𠵱家咪做啲自己想做嘅嘢，鍾意做嘅嘢囉！好似呢首歌咁，我有出少少錢，多有多使，少有少使啫，咪揼吓朋友心口嚟減少成本囉！」原本朱紫嬈打算今年5月舉行十周年演唱會，不過受疫情影響，演出不斷押後，可能要延至明年舉行。她坦言為咗生活，年前開始同朋友合資搞泰國地產生意，她邊學邊做，又拍吓劇集，謀求更多出路。