港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

【头条独家】初入行要食药减压朱紫娆入行十年睇化晒

即时娱乐

更新时间：08:42 2020-09-15 HKT
发布时间：23:30 2020-09-14 HKT

日前下午，朱紫娆为「头条娱乐fb专页」开Live现场演绎新歌《花.醉》。

相隔4年，朱紫娆(Khloe)自资推出新歌《花.醉》作为入行10周年礼物。日前下午朱紫娆还为「头条娱乐fb专页」开Live现场演绎，靓声令网民激赞，连Kellyjackie都入嚟做埋听众，仲承诺会接力做直播，唱靓歌畀《头条日报》读者听。对于转眼对于转眼入行10周年，朱紫娆形容岁月催人老，𠵱家喺生活同工作上都睇化晒，唯独对音乐热诚不变。采访：方骞平摄影：李维隆场地及直播技术：启斯音乐@AbsoluteMusicLimited 乐手：Chris Mak，Brian Chan 发型：Terrence Chan @HAiR

新歌《花.醉》碌咗唔少人情卡，喺疫情下减轻好多成本。

10年前，邓建明出席金牌大风新人朱紫娆首张EP《Love Expression》发布会。

虽然疫情下少咗收入，但朱紫娆依然揼本落去做新歌，而《花.醉》系唱出入行10年嘅心声：「10年时间真系唔短，当日好多亲密战友都各散东西，好似邓芷茵、吴彤、韦雄、郑家维咁，唔系移民就成家立室离开咗歌坛，如果唔系钟意音乐嘅心永远喺度，真系好难挨到今时今日。」

当年由已故音乐人黎小田带她入行。

朱紫娆同糖妹同时间出道，但至今糖妹依然童颜。

长期失眠未有改善
朱紫娆自爆长期失眠，至今状况未有改善，只系比以前冇咁紧张：「初入行时负能量好重，工作同感情方面好易令自己唔开心，而且去到病态地步，试过要睇医生，食药嚟放松自己，好彩𠵱家睇化咗，虽然仲有失眠，但都叫可以Keep到情绪，𠵱家咪做啲自己想做嘅嘢，钟意做嘅嘢啰！好似呢首歌咁，我有出少少钱，多有多使，少有少使啫，咪揼吓朋友心口嚟减少成本啰！」原本朱紫娆打算今年5月举行十周年演唱会，不过受疫情影响，演出不断押后，可能要延至明年举行。她坦言为咗生活，年前开始同朋友合资搞泰国地产生意，她边学边做，又拍吓剧集，谋求更多出路。