港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【頭條獨家】返港密密開工好開心喬寶寶開到口恨拍ViuTV劇集

即時娛樂

更新時間：22:25 2020-09-01 HKT
發佈時間：22:05 2020-09-01 HKT

片中加入南印度家庭色彩，喬寶寶、陳欣妍等要用手拎飯食。

喬寶寶難頂戲癮，月前由蘇格蘭返港拍電影《時代》，緊接拍另一部中印獨立電影《我男友係好差》，之後還會接拍一套鬼片。雖然喺疫情下減薪兩成，但密食當三番，寶寶都好開心，佢仲有個願望就係拍到ViuTV劇集，甚至做吓佢最拿手嘅綜藝、旅遊節目，ViuTV高層睇到呢篇報道就考慮吓啦！採訪：方騫平

劇情講兒子受傷入院，喬寶寶和家人，兒子好友岑珈其到達急症室。

喬寶寶大讚近年ViuTV劇集有創意，亦有留意岑珈其作品。

返港期間日日有工開，喬寶寶心情大靚，不過，採訪當日寶寶要調整心情，以一個沉重mood拍一場頹廢囝囝(南亞裔演員成家宏)炒車受傷入院嘅戲，由於傷及囝囝女友(陳欣妍飾)，未來親家楊卓娜去求喬寶寶拆散鴛鴦，飾演成家宏好友嘅岑珈其就加以安慰。

岑珈其求婚成功，預計今年11月同拍拖5年的圈外女友結婚。

楊卓娜去醫院求喬寶寶，唔好再畀頹廢兒子同佢個女拍拖。

用手食飯唔習慣
獨立電影講述一個中國籍少女同印度男孩喺香港發生嘅愛情故事，並帶出香港及印度獨有文化。因為故事背景發生係南印度家庭，當地習俗要用手去食飯，有場戲要徒手食咖哩飯，寶寶食到手指甲邊都變咗黃色。問到喺疫情下要用手食飯會否唔太衛生？寶寶即解釋：「我哋有洗手，而且鏡頭有遷就，雖然我都有少少唔習慣，不過戲中老婆同新抱就食得津津有味。」

另外，剛求婚成功嘅岑珈其由屯門撲去新蒲崗，只係拍咗幾個Shot就收工，他表示疫情下最緊要有工開，搵得幾多老婆本就搵幾多。而楊卓娜知道姨甥女「小珍珠」出現厭奶期，她叮囑楊怡唔使過度緊張，可能吹冷氣太多引致腸胃不適，建議阿怡用熟雞蛋加銀戒指幫BB碌吓頭、頸、肚，有助小朋友血氣運行。