【頭條獨家】傾3個月電話先約出街 湯洛雯自認好宅難搵對象
更新時間:18:31 2020-01-10 HKT
發佈時間:02:10 2020-01-10 HKT
發佈時間:02:10 2020-01-10 HKT



靚湯早前頂替黃心穎拍《法證先鋒IV》時,體重達高峰期140磅,靠計算卡路里飲食及做運動成功搣甩20磅肉的她,除了感身體出問題外,原來有把聲音令她扚起心肝去減,「我嗲哋係唔多出聲,好認真嗰種人嚟,佢都同我講『湯洛雯你快啲減肥啦!你真係好過份!』我上鏡同真人佢都頂唔順呀!」


強調自己唔高竇
去年跟拍拖4年的羅天宇分手後,靚湯一直單身,早前兩人去挪威拍《3日2夜》被指翻撻,不過隨着本報踢爆羅天宇撻着戴祖儀後,靚湯仍然未有着落,不過她話唔心急,「未遇到一個啱嘅,不如就單身,我要拍長拖,認識要好長時間,同埋我係幾戀愛大個天,會擺晒個心落去,情緒起伏好大,所以要小心啲。」
講到靚湯擇偶要求,原來都幾「高」,「細個要靚仔,𠵱家最着重心地善良,同埋孝順,外貌上最好180cm以上高,因為我個頭比較大,高小小好啲,唔想好似保護佢咁。」連父母都投訴好宅的她,談到搵對象仲有補充,「大家要傾3個月偈先,再出街,我唔想去啲太遠嘅地方,好懶呀!哈哈!兩個人出去食飯,畀人影到又要解釋,唔想好似承諾咗咁,以為係一對,但我唔係高竇呀!唔係要追好耐嗰啲,啱嘅我追佢都得㗎!」
最Hit