神的女主角丨花姐爆對Anson Lo首個印象：佢係一個八婆

更新時間：17:22 2021-11-18 HKT
發佈時間：20:30 2021-11-18 HKT

花姐又搞笑謂不明神徒為何鍾意Anson Lo。

MIRROR成員盧瀚霆（Anson Lo）的MV女主角真人騷《神的女主角》，明晚（19日）將播出最後一集，而昨晚（17日）剩下最後三組要根據各自抽到Anson Lo的三個不同造型，為他打造一個貼心的約會。昨晚一集甫開始有特別嘉賓亮相，就是MIRROR經理人黃慧君（花姐），她談及第一次見到Anson Lo的印象竟是：「佢係一個八婆。」
此時在鏡頭外的Anson Lo即大叫：「喂呀，呢句改咗佢，搞唔掂！」花姐聞言即說：「呢句唔講得咩？點解唔可以嗌八婆？」此時Anson Lo更激動到一邊走一邊講：「搞唔掂，咁你同阿祖（梁祖堯）有咩分別。」接着花姐再解釋：「我第一次見佢應喺CoCo（李玟）嘅演唱會，嗰時佢係同啲dancers玩到手舞足蹈，好開心好活潑，我哋同工作人員就話佢好似……佢唔鍾意我用八婆，咁係一個活潑小男孩，講嘢好大聲，好似個八婆仔。」

當花姐爆對教主首個是八婆時，他在鏡頭外激動地走音阻止。

鍾咏諭一家為跟Anson Lo的約會做準備。

之後花姐重提曾叫Anson Lo擺出一個靚仔樣，讓她明白為何有fans鍾意，他即笑言：「當時我冇郁，冇郁過，我個樣就係咁，大家就係鍾意我呢個樣。」花姐即搞笑回應：「當時佢擺出呢個樣，我跟住又係冇郁。」

甫開始有表演。

三人又跟教主打麻雀。

之後播出三組為約會做各種準備，而首先跟教主約會的是鍾咏諭的一組，她跟媽咪及細佬覺得Anson Lo一向很重視家人，因此在約會上先安排三人表演給教主看，又跟他一同打麻雀，之後又準備粉紅色雞飯給教主食，只見教主食到津津有味，還問花姐要不要食一啖，但卻被花姐拒絕，最後鍾咏諭送上一張手繪的四人圖畫送給教主。