梁洛施獲囝囝讚演技OK 好想拍超級英雄電影

更新時間：22:39 2021-11-17 HKT
發佈時間：22:15 2021-11-17 HKT

梁洛施話囝囝好想佢拍超級英雄電影。

許鞍華執導的《第一爐香》今晚舉行慈善首映禮，有份演出的梁洛施（Isabella）、秦沛亦有出席。Isabella表示好榮幸能夠拍攝到許鞍華（Ann）的電影，雖然對方曾多次邀請她演出，但也被她推掉。她說：「好開心Ann再搵我，我都唔好意思，之前推咗幾次，因為當時我未準備好，而且唔喺香港，兩年前Ann再打畀我問有冇興趣拍？我話當然有興趣啦！」Isabella透露彭于晏和馬思純有較多對手戲，大家合作時感覺很好，自己也一直有戲癮，目前亦睇緊幾個劇本，而她最想嘗試演反派角色，皆因過往也是演繹正派角色。

之前執到貓貓嘅梁洛施好開心囝囝同小貓相處融洽。

許鞍華大讚Isabella的表現，希望對方之後拍更多電影。

許鞍華大讚Isabella的表現，只可惜戲份不夠多，希望對方往後接拍更多電影。問到可會為Isabella度身訂造劇本，她說：「希望啦！」在旁的Isabella即即：「我等！」談到若演反派，可會擔心影響自己在兒子心目中的正派形象？她笑言兒子已經懂得分辨，知道只是扮演角色。至於兒子有否讚她的演技？她笑說：「佢哋話OK啦！所以我要更加努力。（三個兒子可有演戲細胞？）一啲都冇！真係無表演慾，反而比較鍾意運動，但佢哋好想我接拍Superhero嘅戲，不過我都想！」

另外，最近愛上行山的Isabella，透露與友人一同行八仙嶺，行到腳震。提到早前行山時遇到被遺棄貓仔，最後領養了其中兩隻。她坦言首次養寵物，感覺似湊BB一樣，三個兒子也很喜歡，但第一時間反問為何不帶狗仔回來，亦認為養小動物可培養小朋友有責任感和愛心。