苟芸慧與小煮角炮製甜品失手視作未生B前熱身

更新時間：17:42 2021-10-06 HKT
發佈時間：23:30 2021-10-06 HKT

唔通鍾意男仔多啲？

苟芸慧（苟姑娘）向來喜歡小朋友，不時上載與姪仔、姪女的生活合照展現「母愛」，日前更加碼挑戰，與三位3、4歲小朋友進行「苟Cook 13 Round」合作炮製甜品。拿手整甜品的苟姑娘今次要同時應付三位小朋友，難怪高手都要失手，過程中三粒豆釘要學打蛋、調配食材分量、將材料攪勻等，看似簡單卻好「失控」，又不時「逃跑」，更頻頻提問令苟姑娘口啞啞，但她仍展現無比耐性，還出動糖果及士多啤梨乾，才稍稍將混亂場面平伏。

苟姑娘話冇改變佢鍾意小朋友嘅想法。

雖然與小朋友整甜品的初體驗失敗、搞到一頭煙，但無損苟姑娘對小朋友的愛。她說：「我覺得係幾有趣嘅經驗，大家見到我個狼狽樣，不過係幾開心，同三個小朋友玩嘅過程，發覺每個小朋友都有不同個性，所以都係一個未生小朋友之前嘅Warm Up！冇改變自己鍾意小朋友嘅想法，鍾意就係鍾意，好簡單，我鍾意小朋友係因為佢哋好天真！」