鍾培生李俊亨隔空互片「鍾李拳賽」變口水戰打唔成

更新時間：20:45 2021-09-29 HKT
發佈時間：20:00 2021-09-29 HKT

鍾培生指對方不斷挑機。

百萬拳酬的「林鍾一戰」已完滿結束，但賽前鍾培生因為一句「我可以knock out晒你哋全部人」，隨即辣㷫另一富家子李俊亨，最後鍾培生因為在擂台上未能成功K.O.林作，最終演變成另一場「鍾李拳賽」，而鍾培生開出的限期是9月內，現只餘今、明兩日，兩人仍只繼續網上口水戰，成事機會近乎零。

李俊亨要求鍾培生道歉。

當日拳賽結束，鍾培生教練團隊衝去林作一方欲理論。

香港散打王李俊亨昨日在社交網上拍片，指鍾培生一直未有再回應他的counter offer，並說：「你驚或冇信心，咁你同我團隊道個歉，同我師傅，Nana（曾海蘭）同我道歉，你承認挑機係過份咗，我哋可以做番個朋友，可以上嚟拳館切磋，大家交換武術意見，或打機都得，我好差。」他還說如鍾培生對無限加時或直接擊倒才能終止拳賽，條款太苛刻，他亦可作出修改：「咁咪轉3分鐘打12 round囉。你大宅真係唔適合作賽，我都唔想你屋企變成凶宅，如發生咩事唔值錢，我冇話邊個死，即咁講啦。」

另一邊廂，鍾培生亦拍片指不滿林作的教練柏榮團隊，在台上不斷挑機指他們是「垃圾」，並指李俊亨名字不值一提，說：「條件就開晒，但係佢唔敢打，我完全冇興趣提佢個名，冇興趣同佢吵一段新聞討價還價，打就打唔打就算。」他稱對方不值得他花錢租場地及找醫療隊，「我唔想喺我屋企打傷佢」，指自己是一個表演者，所以不容許自己做任何商業行為不收錢，所以要收費會員才可以睇直播。不過，鍾培生亦有感謝林作令件賽事炒起，半年來大家雙贏。

但講到尾，雙方各執一詞，super打和啦！