劉佩玥《盜墓者羅拉》造型成整蠱對象林子善：我想幫佢搽太陽油

更新時間：18:43 2021-09-26 HKT
發佈時間：07:00 2021-09-27 HKT

大家好認真拍片去玩！

馬國明、陳山聰、唐詩詠、劉佩玥等最近忙於為TVB新劇《隱形戰隊》開工，拍攝工作進行得如火如荼，昨日（26）監製文偉鴻在IG限時動態連post了多段片，台前幕後忙中作樂，十分搞笑！片中先見到詩詠拎住把遮，與馬明和山聰站在烈日下，他們異口同聲說：「好曬呀，熱死人呀，點解有人可以飯前收工既？」馬明說：「男主角嘛！」後來文偉鴻加入，詩詠擰晒頭話：「男主角唔係佢哋兩個喎，咁係邊個呀？」大家異口同聲說：「咪就係林子善囉！」

真係笑得好尷尬。

鏡頭一轉，「男主角」終於現身，着上短袖Tee配避彈衣的子善，正在悠閒地搽太陽油，他說：「搽『令』啲係因為要型，我哋嘅感覺好熱血，係熱血幹探，咁梗係要有番啲氣勢，你哋着長袖衫，如果唔係我都會幫你搽！」聽到鏡頭有人笑說不如俾啲阿Moon，原來大家是整蠱阿Moon，皆因她一身《盜墓者羅拉》的造型，子善即說：「好多人都想幫阿Moon搽，我都好想搽呀！」阿Moon一臉尷尬地望着大家，她亦有在IG限時動態轉發並留言：「呢個係尷尬而不失禮貌嘅微笑，佢以後都係呢個笑容。」