羅家英曾因一事感羞愧自嘲似男妓 自覺一生顛簸罕談前度李寶瑩：蹉跎咗婚姻
發佈時間：09:00 2025-08-16 HKT
78歲羅家英今年5月自爆4度患癌，豁達面對生死的羅家英坦言醫生斷定約有8、9年壽命：「化療、電療不做，我就舒舒服服，拜拜各位朋友，再見。」太太汪明荃亦曾說：「佢嘅情況唔係想像中咁嚴重，有8至10年的時間，無得怕，大家放心。」汪明荃又稱希望明年能減少工作，多去旅行。
羅家英罕談與「小芳艷芬」李寶瑩一段情
近日羅家英接受不少訪問談及病情與對生死的看法，早前曾作客查小欣網上節目《紅查館》，在最新播出的一集，羅家英覺得自己的人生很偏頗， 拍了電影之後才有一個安定一帆風順，他還罕談與有「小芳艷芬」之稱的花旦李寶瑩的一段情並直言：「我蹉跎了我的婚姻。」
相關閱讀：羅家英講遺產為妻留物業及XX：我估會走先過佢 已買墓地欲與汪明荃合葬 遺憾沒子女
羅家英為生活蹉跎了自己的婚姻
羅家英和李寶瑩於1973年開始拍拖，當時李寶瑩在粵劇界已紅透半邊天，羅家英只是小有名聲，這段姊弟戀一直不被看好，甚至連時李寶瑩的父母都認為羅家英接近李寶瑩是別有用心，但結果二人一拍便拍了14年拖，到1987年正式分手。羅家英在節目上罕談與李寶瑩的一段情，蹉跎了自己的婚姻。不過羅家英只以XX小姐來形容前度：「XX小姐之前我都有拍拖，不過全部係小家璧玉，唔可以支持我做大戲，如果我哋結咗女婚，生咗仔女之後唔能夠做大戲， 我可能要轉行養家，所以我寧願窮，寧願蹉跎我嘅婚姻 ，只係拍拖，希望有個富家千金睇中我，畀錢我做大戲、做戲服，等我去到粵劇某個層次，我都願意的（以身相許？）差唔多係咁上下，我覺得係好可悲。」
羅家英因一場客串戲感覺似男妓
直到90年代，羅家英由粵劇文武生轉型做演員，雖然生活上是得到改善，但他的內心一點都不好過，羅家英說：「喺《金枝玉葉》要我扮基佬穿條短褲，前面搵樹葉遮住，唔得囉，我假假地都係文武生，點可以咁做？我本來真係想走，但係人哋BOOK晒廠，唯有同自己講，如果呢關過唔到，我都唔使拍電影，最後忍忍氣都拍咗。之後出嚟係有啲效果，但冇乜人有感覺，只係自己覺得唔好意思，所以咁就過咗。」羅家英又說：「有一次半夜去山林道開工，唔使化妝，做過整容醫生，扮係幫王小鳳隆胸，嗰陣乜都冇做過，拍完塞咗兩千蚊畀我，嗰刻覺得同男妓冇乜分別，半夜三更打電話畀你去「應召」，個零鐘就有兩千蚊，都係咁上下價錢。」
相關閱讀：羅家英四度患癌首爆性慾全失逾4年因切走一部位 花光積蓄治病「汪明荃冇幫過手」：佢冇講過要幫
