大埔區清晨現神秘人龍？大批長者排隊為免費拎一物街坊不解：點解天氣咁熱可以等咁長時間

更新時間：16:32 2025-08-15 HKT
發佈時間：16:32 2025-08-15 HKT

大埔清晨現神秘人龍？最近，有網民發現大埔墟港鐵站的行人隧道內，每日清晨都會有大批長者在酷熱天氣排隊，只為免費領取一物，對此現象表示不解，引起網上熱議，有網友提出同樣疑問：「區區都有呢啲人，真心唔知為乜？」

大埔清晨現神秘人龍？大批長者排隊為免費拎一物

最近有網民於Facebook群組「大埔人大埔谷」發文，指於早上6:45分經過大埔墟火車站行人隧道，發現有大批市民排隊，而這個現象幾乎每天上演。網民對此表示不解，「真心唔明白，點解可以咁熱天氣，等咁長時間竟然只係為咗一張免費報紙？」從圖片可見，行人隧道有約二十人左右排隊，當中大部分都是長者。

網民解構現象成因：報紙係次要，主要係找個地方消磨時間

貼文引起網上熱議，有網友對此情景表示見怪不怪：「不是第一日事」、「葵興天橋日日百幾人拎報紙」、「區區都有呢啲人。」亦有人認為大部分都是退休長者，時間充裕，排隊領取免費報紙對他們而言不僅是為了省錢，更是消磨時間的娛樂：「Time cost（時間成本）對佢哋唔係成本，但攞咗免費嘢，對佢嚟講賺咗。」、「我哋用時間換錢，退休人士用時間換報紙，都係等價交換」、「老人家無嘢做，排下隊消磨時間，拎份報紙睇又再消磨時間。如果唔係成日流流長又無收入，你想佢哋做啲乜？」、「就係靠份報紙，去茶樓歎茶（時）用。」、「其實報紙係次要，佢哋主要係找個地方消磨時間吹水，老人家瞓唔到咁多，全日又冇嘢做，咪週圍排下隊囉」、「每個人價值觀唔同」。

不過亦有人擔心現時天氣炎熱，老人家頂着高溫排隊加上人多擁擠，會感辛苦：「但係隧道真係好熱，又焗……」

免費報紙通常逢星期一至六於早上7時開始派發，派完即止，大埔墟港鐵站行人隧道為其中一個免費報紙派發點，一般於6時半起便有市民開始排隊等候。早前有報導指不少市民等候領取免費報紙，加上巴士站人流，令行人隧道於上班時間特別擠塞，曾有區議員建議政府和免費報紙發行商商討，重新安排派發位置，減少擠塞情況發生。

來源：Facebook群組「大埔人大埔谷」