暑假玩到盡丨與羅天宇緋聞被擺上枱 何依婷喊完遭「圍攻」
更新時間：14:01 2021-09-06 HKT
發佈時間：14:30 2021-09-06 HKT
發佈時間：14:30 2021-09-06 HKT
字體大小
何依婷在分組懲罰中因為忽然落淚，嚇至主持林盛斌（Bob）投降，臨時決定取消其相關懲罰，並將所有衣夾遠遠拋走，場面搞笑。但之後大家都沒有善待依婷，玩「長命梯」時仍不斷圍攻她：「佢又喊喇佢又喊喇？水位上升喇！」，令依婷十分尷尬。問答環節中，區永權再追問依婷：「你上次見羅天宇（緋聞男友）屋企人帶咗啲乜？」依婷聞言卻淡定回應謂：「我同佢唔係好熟㗎咋！」
朱智賢亦同樣遭主持將戀事擺上枱，未知是畏高還是膽小，朱朱瀡「長命梯」時遲遲不肯下來，結果依婷完成賽事後，朱朱還是呆在起點，Bob忍不住逗她謂：「你落嚟啦！謝東閔即娶你呀！」邵珮詩則與朱朱相反，連續兩次都搶閘瀡下來，結果要三度重賽，翟威廉投訴謂：「你到底想唔想收工？唔好逼我！」
不過翟威廉本身亦「唔好得人幾多」，身為「元老」的他，於昨晚節目終於開齋獲勝，遭Bob窒爆謂：「玩咗咁多集，翟威廉終於第一次正式攞到分，你真係好犀利呀！」但可惜到了決勝局，翟威廉再次失威，在組員近乎全勝的情況下，再度輸給楊潮凱，遭組員嚴重投訴，並紛紛表示要離隊過檔，場面搞笑。
