去動物庇護站做義工李昭南教你點樣同流浪貓狗相處

更新時間：20:51 2021-09-01 HKT
發佈時間：08:30 2021-09-02 HKT

李昭南撰文詳解與貓狗相處之道。

ViuTV性感女星Mishy(李昭南)在社交網分享到大樹下善待動物庇護站做義工，有貓黐著她不願離開，一眾狗狗也圍著她，難得她不怕髒，整個人鑽進狗籠裡為狗狗梳毛，網民留言讚：「有愛心真女神！」Mishy詳解與貓狗相處之道，尤其是第一次見的浪浪：「其實浪浪都有靈性，可以感受善意同敵意，如果受過傷或者有陰影就更敏感，我一般唔會即刻攞零食引誘。因為第一次見面我要建立genuine connection，唔想餵零食變成classical conditioning，associate咗我嘅聲音氣味做零食餵養機器lol。」

貓貓一直黐着她不願走！

直頭走入狗籠摸狗狗。

接着Mishy拍片做示範：「首先我會離遠坐低伸手，俾空間佢自己主動過嚟聞下，90% 會過嚟聞兩聞就開始嗲，開始留返佢自己嘅氣味落我身上（用頭同身體摩擦），剩低嘅10% 唔需要逼佢，佢慢慢觀察完知道你無惡意，甚至好似幾好玩咁，就會主動過嚟搵你。當然加分位就係你識點摸佢哋，手勢好嘅話，好快你就會去到邊都俾佢哋包圍，如果真係唔睬你，最後最後先攞零食同貓草之類出嚟。」