有情有義丨難忘與陳木勝合作黃德斌：對我嚟講係一個好重要嘅人

更新時間：20:47 2021-08-23 HKT
發佈時間：20:45 2021-08-23 HKT

黃德斌在戲內有不少動作場面。

黃德斌、吳浩康（Deep）及楊天宇有份演出由已故導演陳木勝（Benny）執導及監製的英皇電影《怒火》，戲中三人扮演重案組組員，德斌坦言戲中不少動作場面，難免有輕微擦傷或碰撞，又大讚身兼監製、動作導演及主演的甄子丹，不單對每個拍攝動作鏡頭都有高要求，即使文戲在劇本上也會有自己的意見，他說：「記得南亞村有場戲對我嚟講好特別，因為十幾人圍攻我一個人，我揸住枝槍同佢哋肉搏，最後我將一個人舉起再撻佢落地，之後子丹睇螢光幕問導演使唔使較快一格，但就話唔使覺得我動作夠快。」楊天宇透露戲中有爆破、肉搏打鬥及槍戰場面，開拍前更學習揸槍：「除咗練習揸槍姿勢，就連換彈點樣換得快，同chok枝槍的安全掣喺邊都要學，亦接觸好多唔同類型槍械，全部換子彈方式都唔同，所以要記得好清楚。」

Deep讚陳木勝處事有風度、正義感，對人亦很真誠。

楊天宇大讚陳木勝令拍攝團隊有凝聚力。

楊天宇更初嘗吊威也滋味，他笑言當時只是經過螢光幕旁邊，導演就叫他睇個替身由二、三樓跳下來的情況，他說：「我無端端就上去吊威也，拍攝之前都唔知，但跳落去途中，原來大腿撞到冷氣機，當場唔知痛，拍完半個鐘之後發覺行路拐下拐下，導演睇playback見到我撞到冷氣機，感覺好刺激。」Deep表示今次劇組給予不少時間為演出作好準備，開拍前有時間上堂學習槍械知識，還買了一把氣槍以練習拔槍動作。

三人日前為《怒火》接受訪問。

每位演員在戲中有不同的體驗。

對於跟已故導演Benny合作，黃德斌坦言年輕時已跟對方合作，分別有《嘩！英雄》、《新警察故事》、《男兒本色》等，因為合作多次，所以跟導演特別有感情，對他來講是一個好重要的導演：「Benny為人好好，除咗好擅長處理動作嘅導演之外，佢喺每一套動作片裹面都有佢嘅情，無論親情、友情、男女之間嘅情，佢係一個好重情嘅人。」Deep表示首次跟陳木勝於電影《新警察故事》合作，雖然當時不太多機會交流，但今次在《怒火》再次合作，覺得對方處事有風度、正義感，對人亦很真誠，亦從未見過對方發忟憎，EQ十分高，楊天宇亦大讚對方令拍攝團隊相當有凝聚力：「我對佢嘅印象係永遠都笑面迎人、和藹可親，唔會有一刻會黑面，永遠對住你笑，唔會令你有難受感覺。」