林雪首度分享愛情觀：唔好臨老先後悔

更新時間：22:05 2021-07-29 HKT
發佈時間：18:31 2021-07-29 HKT

二人感情線除令觀眾笑聲四起，也留有深刻印象。

林雪與謝賢（四哥）、馮寶寶（Bobo姐）主演的電影《殺出個黃昏》於今個暑假檔期已衝破300萬票房成績，入座率持續攀升。林雪於片場到宣傳一直表現輕鬆，激罕上演愛情戲碼的他亦沾沾自喜：「我都係嚟跟四哥同Bobo姐學嘢，不過今次好難得我有條感情線，希望畀觀眾睇吓咩叫大叔的浪漫。」
林雪今次與顏子菲的一條感情線，令觀眾笑聲四起、印象深刻。今日電影公司發佈的製作特輯中，林雪哥更大歎：「人生最大嘅敵人，就係孤獨。」他說一孤獨就會做錯很多事。
林雪更首度分享愛情觀，原來他仍有一夥求愛的心：「我覺得呢個世界上，愛係最偉大嘅，無論係咩愛，只要你愛，就會令你得到心靈上嘅滿足。我因為愛，唔見過好多嘢。你得到心靈上嘅安慰嘅話，物質上就由佢啦，好多嘢都買唔返，唔好臨老先後悔，做人一定要殺出個黃昏！」