歐國盃無份踢全家去度假 C朗半裸曬太陽肌肉令立立引死人

更新時間：15:45 2021-07-06 HKT
發佈時間：16:30 2021-07-06 HKT

C朗嫂副偈都相當厲害。

歐國盃開戰，早前於葡萄牙對戰匈牙利的賽前訪問中，C朗與教練費蘭度山度士出席賽前記者會，席上C朗看見枱上擺了兩枝贊助商汽水，竟然將汽水拿走，換成一枝清水放在枱面，並說了一句「Agua！」，即水的葡萄文，汽水股價在記招後下跌1.6%，真係多得C朗唔少。

C朗一家六口。

C朗向來注重健康，西班牙的體育報道提過，C朗全身只有7％脂肪，肌肉佔了50%，而一般球員有46%，形容C朗的身體年齡可能比23歲男性更年輕。

歐洲國家盃16強，葡萄牙大戰比利時。最終比利時守得住，維持上半場賽果贏1：0晉級8強。葡萄牙衛冕失敗，36歲C朗拿度16強止步，唔使踢歐國盃咪早啲放假囉。

有錢有假去邊都得嘅C朗帶埋4個小朋友同女友，一家六口去咗度假，唔知C朗去咗邊，只知佢哋去咗有海有草嘅地方曬太陽，C朗半裸享受日光浴，身上嗰六嚿腹肌加成身頂級肌肉真係要一睇再睇無限睇，囡囡由細到大見慣爸爸嘅肌肉，大個搵男朋友要求應該好高。