【調教你MIRROR】AL姜濤慫恿搣單請食飯 Edan整咕嚕雞球嚇親梁祖堯

更新時間：14:06 2021-06-10 HKT
發佈時間：11:00 2021-06-10 HKT

Edan、Anson Lo及姜濤是MIRROR的地獄廚神。

第三集《調教你MIRROR》昨晚播出，講到MIRROR出道接近3年，經理人花姐認為Edan（呂爵安）是成員當中最平和的一個，當時向他表示想組男團，直言不會主力捧他但依然一口答應加入，「無論樣貌、唱歌，我的確唔及好多人，慢慢行，總有一日我做得好，大家會望到我！」，Edan的正能量心態令花姐相當欣賞，但同時希望這次「調校」之旅能夠令Edan接受其他人。

Edan在節目中就覺得自己「太多機會湧過嚟就唔識珍惜」，坦言以前只要有工作就開心，即使自己不是主角，但現在會因為太多工作而感到疲憊和麻木，有時內心更會抗拒，不是每單Job都願意去做。最後他指MIRROR是大家的根，沒有團體就「甚麼都不是」，特別是今年闖出成績，更應該好好團結繼續行下去。

姜濤慫恿Edan請食飯。

Edan即表示唔Claim錢。

另外，花姐又向梁祖堯（祖祖）大爆Edan、Anson Lo（盧瀚霆）及姜濤是鏡仔中的地獄廚神，於是祖祖要求三人合作，認真煮一道菜。三人得祖祖提示決定煮咕嚕雞球，在街市買材料時Edan問檔主開單，姜濤及AL秒說：「呢啲你都Claim？請兄弟食啦！」激將法成功令Edan做「老細」，姜濤更幫手撕爛單據。Edan也表示其實12位鏡仔未試過在工作以外的時間齊人出去玩，令他很珍惜今次機會。

Edan「萬歲」請大家！

Edan負責切雞。

煮餸環節，Edan負責切雞、姜濤負責三色椒、Anson Lo負責醬汁，Edan劏雞時明顯雞手鴨腳無從入手，AL於身後畀意見，「你大力啲『兀』落去啦。」有個廚師爸爸的「梅窩隊長」姜濤好權威地提醒正想徒手搣雞的Edan，「你唔好咁樣搣啦，你咁樣好辛苦㗎，切啦，斬佢啦，關節位隊落去，係嘞，切完磨佢。」而Edan亦好聽話照做，最後要AL幫手「切」雞。

祖祖可能收到風，一臉驚嚇入廚房，得知Edan將雞件切到大小不一，表示落鑊炸時時間便不一樣，Edan聽畢唔知點算，他亦提醒姜濤不要落太多油及醬汁不夠的危機，最後「梅窩隊長」直接加入茄汁及白醋到鍋中，最後眾人掛住玩拋鑊，要祖祖出手叫停。過程有驚無險，咕嚕雞球色香味俱全，獲成員一致認可，Lokman笑言「有鑊氣喎」。