【頭條獨家】挑戰演技化身電眼影帝　王智騫扮「暴龍哥」嗌老尷

更新時間：16:45 2021-04-25 HKT
發佈時間：09:00 2021-04-26 HKT

Martin究竟會如何演繹怕醜的鄭中基呢？

有「翻版柯震東」之稱的24歲小鮮肉王智騫（Martin）近年由模特兒轉型演戲，除了於處男作《熱血合唱團》中，越級跟劉德華、李麗珍演對手戲外，之後還參演過網劇《把砒霜留給自己》及內地劇《手可摘星辰》等。雖然Martin外表斯文靚仔，但一投入角色就演得勁放，好似於《把》劇中，在摩天輪上向蘇皓兒示愛一幕，他更放下「男神」包袱，滴晒汗、乸埋口面扮肚痛瀨屎！

Martin表示這個挑戰比過往演的戲更難。

看到這個「打和」動作，大家能否猜得出Martin在扮演誰呢？

早前接受《頭條娛樂》訪問時，Martin也直言想搣甩「小鮮肉」這個標籤，希望做一個「演技派」獲觀眾認同。咁究竟呢位影壇新貴有幾好戲？為藝術可以去到幾盡呢？即刻去片，睇吓Martin早前接受《頭條娛樂》之「另類演技大挑戰」時，化身「化骨龍」張家輝、「龍威」鄭中基及「電眼影帝」梁朝偉等，如何「尷尬又不失禮貌」地搞笑演繹一堆經典電影對白吧！其間，Martin仲玩到「尷尬癌」發作，趴喺枱以笑遮醜，他戴晒頭盔說：「各位前輩見怪莫怪，我玩吓㗎咋。」