為處女網劇身兼編劇副導演　徐頴堃認請媽咪雪梨出山難

更新時間：21:55 2021-03-25 HKT
發佈時間：10:00 2021-03-26 HKT

Erica表示將自己親身經歷寫落劇本再放大。

徐頴堃（Erica）首次為網劇《我在CoverDog的日子》擔任編劇與副導演，並找來同公司的余潔滢（Zoe）和張丹蕾（Dana）演出其「處女作」，Erica表示︰「今次呢套係處境喜劇，事前都好緊張，怕創作嘅劇情唔夠好笑，其實都係將自己親身經歷寫落劇本再放大，播咗幾集反應唔錯，自己都好開心。」

Erica找來同公司的Zoe（左）和Dana演出其「處女作」。

Zoe

在播出的最新一集，飾演Zoe秘書的Dana為找尋「遺失的雞翼」的下落，向公司同事嚴刑追問所發生的趣事，Erica笑道︰「有一次拍攝時我買咗一盒雞翼食，之後發覺唔見咗一隻就係咁問人有冇食到，有位成員認話係佢食咗，但佢係唔想我唔開心先咁講，我就更加想知隻雞翼去咗邊，最終原來雞翼係俾人整跌咗盒雞翼在沙發底。」劇中的「雞翼殺手」Zoe表示︰「睇劇本時覺得好搞笑，點解會講雞翼，原來係Erica親身經歷。」

為重現Erica的雞翼事件，Zoe笑言掃跌雞翼都好講究︰「當時拍咗好多take掃跌雞翼，但點都掃唔跌，真係掃跌時同真實事件一樣，掃咗落梳化底，都幾好玩。」至於Dana說︰「當時情緒上落幾大，幾激動，因為話我為咗雞翼癲晒，用咗好多氣力。」