【平胸天后】中門大開直落到肚臍鄭秀文自信心搭救成功搵出最靚弧度

更新時間：08:48 2021-03-23 HKT
發佈時間：17:31 2021-03-22 HKT

Sammi唔介意放上陳年泳衣相。

48歲天后鄭秀文（Sammi）保持運動量，身體冇乜多餘脂肪，連上圍都係平到貼地，如果唔睇埋上面個靚樣，仲以為係男人身形，不過身形纖瘦，可駕馭到好多緊身靚衫，最緊要係有型啫。

今日投入工作嘅Sammi換上一個韓式潮女Look，她上載了一條短片留言：「Ready.....#preparationiskey#有幾多俾幾多#give100%」片中見Sammi橙紅色留瀏海短頭髮，配深啡色大口唇，造型相當突出，不過，大家嘅焦點落喺她衣着上，雖然她身材向來平平無奇，但見她身穿黑色外套，恤衫中門大開直落到肚臍，好火辣辣！Sammi對其衣着打扮信心滿滿，還不時拉開白恤衫，整理衣領，但只係帶出到骨感美，屬另類性感，好彩終於都有個靚角度搵到些少弧度，不過，就算只得啲啲「福利」，都睇到一眾粉絲超級開心，心心眼滿足留言：「好正呀，衰鬼」、「好索」、「型」、「cool」。