【平胸天后】中门大开直落到肚脐郑秀文自信心搭救成功揾出最靓弧度

更新时间：08:48 2021-03-23 HKT
发布时间：17:31 2021-03-22 HKT

Sammi唔介意放上陈年泳衣相。

48岁天后郑秀文（Sammi）保持运动量，身体冇乜多余脂肪，连上围都系平到贴地，如果唔睇埋上面个靓样，仲以为系男人身形，不过身形纤瘦，可驾驭到好多紧身靓衫，最紧要系有型啫。

今日投入工作嘅Sammi换上一个韩式潮女Look，她上载了一条短片留言：「Ready.....#preparationiskey#有几多俾几多#give100%」片中见Sammi橙红色留浏海短头发，配深啡色大口唇，造型相当突出，不过，大家嘅焦点落喺她衣着上，虽然她身材向来平平无奇，但见她身穿黑色外套，恤衫中门大开直落到肚脐，好火辣辣！Sammi对其衣着打扮信心满满，还不时拉开白恤衫，整理衣领，但只系带出到骨感美，属另类性感，好彩终于都有个靓角度揾到些少弧度，不过，就算只得啲啲「福利」，都睇到一众粉丝超级开心，心心眼满足留言：「好正呀，衰鬼」、「好索」、「型」、「cool」。