懷孕約5個月的湯怡，已見孕肚。湯怡今年1月宣佈與麥秋成奉子成婚後，兩夫妻不時在社交平台放閃。不過呢日就唔再係單純晒恩愛，主角反而是已懷孕約5個月腹中塊肉。湯怡雖然已經見肚，但手腳仍然纖瘦，今日她就在社交網分享胎動的感受，留言：「呢幾日不斷比人拳打腳踢感覺好神奇好開心 唔知道你喺入面跳緊舞定跑緊步呢 遲啲你愈嚟愈大力嘅時候 我一定比你踢到散哂」老公麥秋成昨晚亦有分享激動的心情，「琴晚我大叫 BB踢啦！BB踢啦！BB踢啦！👶🏻👶🏻👶🏻👶🏻👶🏻👶🏻👶🏻👶🏻👶跟住khaleesi（愛犬）過嚟叫我哋唔好咁激動...」更hashtag叫自己「冷靜」、「點冷靜呀」，相當搞笑，連湯怡都留言說：「好彩無飲緊水 如果唔係我笑到濁親」。湯怡和麥秋成首次見到BB胎動，兩人都表現激動。準爸爸麥秋成見胎動，興奮到眼都凸埋。麥秋成和湯怡在網上互動放閃，又搞笑！湯怡不時分享懷孕生活，譬如如常做瑜伽。雖然已佗B約5個月，但湯怡手腳依然纖瘦。
