【浴袍隔音】滯留美國8個月終返港　王梓軒趁隔離酒店房當錄音室

更新時間：18:55 2020-10-23 HKT
發佈時間：18:40 2020-10-23 HKT

王梓軒穿上防疫衣、戴上口罩及面罩到機場。

王梓軒滯留美國8個月後，日前終於返港。梓軒話：「嗰邊嘅疫情係比香港嚴重好多，所以都要適應一啲新嘅生活模式，新嘅工作方式啦！」由於太多朋友好奇他從美國準備上機到返港隔離的過程，故此他拍了紀錄短片與大家一一分享。

出發前三日，先上網找尋測試covid-19的診所，「其實喺美國做深喉唾液測試，但唔係間間診所都符合香港政府要求，測試完72小時之後便起程返香港，提提大家要確定所有嘅證書同證明都攞齊，因為機場服務人員喺唔同嘅關卡都會問你。」之後梓軒穿上防疫衣、戴上口罩及面罩到機場，上機後坐位範圍再噴再抹才坐低，12個鐘頭航程睇了兩套電影、食咗少少乾糧，其餘時間都瞓覺。抵港後，梓軒先接受檢查，再到酒店開始14天強制性隔離，梓軒更趁着隔離期做音樂。「有首歌我一直都唔得閒錄，所以趁隔離嘅時候錄埋佢，我亦都會隨身準備錄音五寶，加埋酒店啲浴袍做隔音設備。」