【公開戀情？】網民嗌閃排隊恭喜鄭衍峰馮盈盈甜晒合照

更新時間：01:04 2020-07-25 HKT
發佈時間：21:30 2020-07-24 HKT

一眾網民以為兩人公開戀情，但原來只是鄭衍峰加盟《 #後生仔傾吓偈》。

大隻仔鄭衍峰於社交網晒與的合照，莫非二人打算公開戀情？
現年26歲的馮盈盈自去年底與醫生男友分手後，先後跟鄭衍峰、賭王何鴻燊四房公子何猷亨傳緋聞，惟早前猷亨疑與舊愛陳瀅舊情復熾，「豪門夢碎」的馮盈盈即扭軚回到鄭衍峰的懷抱，本月中兩人更高調晒慶生合照，戀情愈趨明朗化。

其實陸浩明都有份合照，但俾網民笑電燈膽，連佢都自嘲「我有啲光」。

今日鄭衍峰繼續於IG放閃，他貼出與馮盈盈靠在「Love」字巨型擺設旁的合照，不少網民都讚「Sweet到爆」、「閃死人」，更有人表示「以為你們這樣公開戀情」差點講恭喜，但其實鄭衍峰只是宣佈以新主持身分加盟節目《#後生仔傾吓偈》，他寫道：「介紹番～兩位拍檔s 加盟#後生仔傾吓偈 #乜戀都傾 #各位主持KOL承讓承讓 #記得留手留口想當年（～七年前）我在加拿大中文電台開咪既（嘅）時候，構思左（咗）一個深宵愛情節目叫做《戀love廿四》，今時今日有幸繼續同大家喺 #後生仔傾吓偈逢星期二晚講愛情，真正亂up廿四。總之~~《乜戀都傾》!!!!!! #聽聞仲有外景 #愛情實驗 #想睇邊個同邊個出街 #留comment」
隨後，主持人之一的馮盈盈也於IG出Po幫對方的新環節做宣傳，她留言：「睇完今晚的《#後生仔傾吓偈》下星期一開始就……轉新形式同大家見面，由星期一至五每晚一個特定主題，我最期待嘅當然係逢星期二《乜戀都傾》，顧名思義所有關於戀愛的事都會傾，仲會做實驗，大家記得留意。#後生仔傾吓偈 #新format #乜戀都傾 #星期二 #btw #有新主持 #辛苦晒你6號」不少網民都追問二人是否公開戀情，連何廣沛都留言話「好閃」，方力申更加直接恭喜她，但馮盈盈笑住回覆：「唔好恭喜住，支持睇吓個節目 Thanks。」