胡杏兒大仔整頭髮被影個不滿樣，真係得意。胡杏兒大仔李奕霆（Brendan）出名表情多多又活潑，繼早前大跳《Gangnam Style》勁舞後，今日又有可愛表現，話說佢跟咗父母去整頭髮，佢同DaddyPhilip洗完頭包住毛巾嘅樣畀媽咪杏兒影低，點知Brendan流露咗個相當不滿嘅表情望住媽咪嘅鏡頭，好鬼搞笑，搞到Daddy都忍唔住出Post寫：「媽媽你知唔知男人用毛巾包住個頭係唔可以影相㗎?!」兩歲幾嘅人仔已經咁識得顧形象，𠱁得網友都勁讚佢真係好cute呀！胡杏兒不時大晒一家生活點滴，都好受網友歡迎。平時 Brendan同Daddy被影，通常都笑晒㗎！日前杏兒一家四口慶祝細仔Ryan一歲生日。
