自爆入隔離營有得着李君妍冇中招平安出關

更新時間：21:30 2020-04-17 HKT
發佈時間：19:09 2020-04-17 HKT

家姐確診前夕，李君妍如常拍《姊妹淘》，被網民鬧爆她。

33C無綫小花李君妍（Aurora）因為同住家姐確診新冠肺炎，作為緊密接觸者被安排入住隔離營14天，直至日前(15號)沒事可以「出關」，昨晚她戴住口罩接受《娛樂新聞報導》訪問報平安，她說：「我已經完成咗隔離生活，返咗屋企喇，心情好開心，因為我已經14日冇見過屋企人，不過都有少少擔心家姐嘅情況，佢都仲未出到院，所以希望佢可以盡快好番出院，出到嚟真真正正一家人團聚。」

由於她的家姐確診前夕，李君妍如常返公司拍《姊妹淘》，累得跟她一齊錄影《姊妹淘》的孫慧雪、蔡嘉欣亦進行測試和自我隔離，被網民鬧爆她黑心。因此，她再次公開道歉：「我想再一次向受影響嘅朋友、同事、公司上上下下，講多聲非常唔好意思同抱歉，因為呢件事令大家擔心咗好多，影響到大家嘅生活同情緒，希望大家繼續身體健康，開開心心咁對抗呢個疫情，生活快啲回復正常。」

孫慧雪因為跟她錄影過後，為安全着想被迫和囝囝隔離14日。

李君妍33C身材好出眾。

想盡快回復工作
她又分享喺隔離營其間的生活：「喺隔離時間有做運動、睇書、睇劇、睇戲、同朋友傾偈，其中一樣好開心，我哋傾咗啲平時好少討論嘅話題，就係人生課題，我喺營入面時間好多，多咗時間思考，沉澱咗好多，得到朋友鼓勵、意見、支持，佢哋提醒咗我好多嘢，呢個係我喺營入面大得着。」

她還表示回家後第一時間為家居大清潔：「我換過晒啲床單被鋪，衞生署真係好好，好快安排啲同事嚟我屋企，進行全屋消毒，但都怕有殘餘物質。」至於具體工作安排未落實住，李君妍說：「最想多啲做運動回復最佳狀態嚟迎接新工作。」