唐詩詠感動封后馬國明憑《白色強人》星洲稱帝

更新時間：21:52 2019-11-25 HKT
發佈時間：12:47 2019-11-25 HKT

馬國明高舉大獎表現興奮。

香港社會氣氛緊張，無綫的《萬千星輝頒獎典禮》也改於2020年1月舉行；而每年在新加坡舉行的《星和璀璨星光夜2019》，一直被視為視帝視后的前哨戰！昨晚馬國明和唐詩詠出席時憑《白色強人》奪得「星和無綫電視大獎」最佳男、女藝人，成為新加坡視帝、視后。

唐詩詠獲獎後即親吻獎項。

馬國明和唐詩詠在劇中飾演醫生夫妻。

對於獲封視帝，馬明直言多謝台前幕後的工作人員、該劇監製、編審以及整個團隊，「係佢哋畀呢個獎我。」他解釋：「我成日覺得《白色強人》嘅成功，係觀眾鍾意睇醫護人員行出嚟好專業嘅感覺，無論場景、道具同服裝等，甚至乎每位醫生、護士嘅幫忙，全部人都有出力，令整件事觀眾都咁鍾意。」

問他有信心在《萬千星輝頒獎典禮》再下一城時，他續稱每個地方選舉機制不同，一套劇在某個地方得獎，未必都會在其他地方得獎。他說：「隨遇而安啦！無論點都好，我今年都支持《白色強人》，希望喺TVB頒獎禮有好成績，總之攞乜嘢獎都好，最希望可以得到《最佳劇集》啦！」
唐詩詠亦稱開心又感動，她說：「呢部劇嘅成功係所有人嘅努力，發揮到團結嘅力量，我喺台上好感動，因為呢個獎唔係屬於我而係屬於大家。拍攝時我用咗好多時間同心機去揣摩角色，今次有觀眾睇到我嘅進步好開心。」她表示可與馬明、李佳芯和鄭俊弘一齊攞獎好開心，並覺得馬明要請她食飯。