【專業精神】拍《打天下》被踢中張建聲爆缸繼續拍

即時娛樂

更新時間：23:06 2019-11-21 HKT
發佈時間：20:16 2019-11-21 HKT

監製歐錦棠亦有上前慰問，了解張建聲傷勢。

張建聲近日拍攝歐錦棠監製及主演之ViuTV新劇《打天下》，前日拍攝一場動作戲時，被武師凌空飛腳踢中頭部，當場爆缸，流鼻血兼爆唇，臉部一片紅腫。

ViuTV 新劇《打天下》歐錦棠和張建聲有連場打戲。

張建聲被武師踢中後，頭暈暈兼滿天星斗，工作人員隨即停機，但張建聲堅持繼續拍，專業表現獲在場人員大讚，而監製歐錦棠亦有上前慰問，事後張建聲說：「《打天下》有好多鏡頭我都選擇親身上陣，現場有動作武師喺度，動作場面設計得靚就難免危險性高，結果我呢次好唔小心地中咗武師哥哥一腳，食到正晒，即場暈咁滯，跟住自己就即刻check吓有冇崩牙，因為上次拍《作家的謊言：筆忠誘罪》已經撞崩牙一次，今次好彩冇，但口腔損晒，因為啲牙撞落個嘴度，又流鼻血，鼻骨有啲痛，最緊要唔好撞歪就OK。」完成拍攝後，張建聲已經散晒，九秒九回家休息。