刪IG留言與網民爆罵戰蘇永康：我只知道我是個歌手

更新時間：21:23 2019-07-21 HKT
發佈時間：18:03 2019-07-21 HKT

網民與蘇永康的對話。連登討論區圖片

有網民下午在網上發文，並帖出IG對話截圖，指自己在蘇永康的帖文下留言後，對方刪除其留言，並與網民討論事件，隨即在網上引起熱論。

該網民下午在連登討論區發文，指自己在蘇永康的帖文下留言後，對方刪除其留言，並與樓主作討論。從相關照片可見，網民正與在有IG「藍剔」，即經由IG認證為蘇永康身份的帳戶進行私人對話。蘇永康指，「我的政治立場與閣下無關，我亦不在乎你舐乜？我只知道我是個歌手，那裏有我的觀眾，我就會去，講完...」樓主其後回覆指，「但係身為公眾人物都唔可以亂del人cm（留言）㗎康仔，你咁同白色恐怖有咩分別？你唔喜歡個cm我明，我又冇講粗口」，並直言「康仔，你變了～是你變了～」

蘇永康再回覆指，「我個IG等於我屋企，只係招呼一啲啱嘴型嘅朋友入嚟傾偈」，並指「我返（反）港獨你班契弟話我舐共！我返大陸工作養妻活兒又舐共，你班咁嘅殖民後政治狂熱知啲唔知啲，你而家嘅行為等同行入去基督彌撒講可蘭經，人哋唔聽，你就話人唔係崇尚自由嘅香港人會做嘅！呢啲係白色恐怖...咁而家你話邊個恐怖？香港變成咁，個個星期日每區輪流唔使做生意就係因為你哋呀！」樓主在帖文中續指，自己其後已被蘇永康封鎖。