唔鼓勵囡囡入行任達華：唔捨得佢辛苦

更新時間：15:09 2019-07-17 HKT
發佈時間：08:49 2019-07-17 HKT

任達華（左）、羅仲謙（右）出席電影《小Q》慈善首映禮。

電影《小Q》晚上在沙田舉行慈善首映禮，任達華、梁詠琪、羅仲謙、楊采妮、袁澧林等都有出席，華哥飾演盲人，與戲中「女主角」導盲犬布丁慢慢建立深厚感情，他指自己工作忙碌，時間不許可他做到寄養家庭，但有意在布丁退役後收養牠。

華哥14歲的女兒任晴佳早前為雜誌拍封面，大騷長腿，他指囡囡比例很好，雙腿比他長，問到是否仍不鼓勵囡囡入行？他說：「暫時都不鼓勵，拍戲就唔好，女仔要捱更抵夜太辛苦，我不捨得她太辛苦，我自私，想她陪我多點。（做摸特兒拍照就不反對？）不同階段可試試不同的事，都是一個磨練和經歷，影相就好，catwalk就唔好住，現在都是讀書最重要，她之後大點想做甚麼都支持。

另外，活動原定於新城市廣場舉行，電影於商場的戲院放映，最後活動改在鄰近的酒店舉行，一眾嘉賓在活動後再到戲院欣賞電影，期間有大批市民包圍商場詢問處抗議，問到眾演員可擔心影響活動？任達華和羅仲謙表示會看首映，但他們都指講回電影的事，華哥希望好似電影主題愛與包容、愛與忠誠，羅仲謙則指電影是宣揚愛，世界有愛就更多包容，又鼓勵大家做導盲犬寄養家庭，如果自己條件許可都會做。梁詠琪則表示不擔心，因第二日有工作，不會看完全場，但會到場答謝大家支持，袁澧林表示因翌日一早要開工，故不會入場看首映，但相信大會會好好安排。