姜大偉囝囝參賽《全民造星II》導師冇情講：有錯照鬧

更新時間：08:59 2019-06-24 HKT
發佈時間：19:15 2019-06-23 HKT

ViuTV《全民造星II》的96位參賽者，聯同星級導師及評判首次會晤傳媒，當中不乏已是藝人身份，亦有再度參加挑戰，還有姜大偉兒子62號姜卓文、及王祖藍表弟88號李俊華（孖八）。大會更即場公佈「Eye Catching Idol選舉」賽果，5位能直入60強的幸運兒，奪分最高的先後次序為86號陳軍政（Cotton）、18號黃浚銘、29號梁德忠、53號王焯南及85號趙敬賢。14號吳啟洋和99號陳卓文（肥文）雖未能先拔頭壽，但惹人關注。

99號肥文因參賽編號與姜濤（姜B）一樣，直認專登跟足姜濤的戰衣和打扮，要當「肥版姜濤」，望承接氣勢，不求奪魁也能接近冠軍寶座。14號吳啟洋被指狂搶Anson Lo粉絲，運動員出身的他稱不知道，但承認有粉絲凌晨等他唱歌練舞，只知部份更是姜B的粉絲。86號Cotton以8247票數稱冠，做了3年網紅已有逾20萬粉絲，並指專誠學唱歌應戰。本身是Viutv藝人的30號英健朗（小占），自爆為參賽要停約停薪，望告別搞笑路線做型男。

作為師兄的MIRROR也向參賽者給予忠告，隊長Lokman話最緊要聽花姐話實無死；上屆冠軍姜B呼籲要多吃東西補充體力，及要有自信。Edan則勸大家不要亂抛金句及學會表情管理。

此外，劉美君、Eric Kwok和火火再度出任導師。提到62號姜卓文是姜大偉的兒子姜，會否口下留情？火火即說：「不會，有錯照鬧，最多不爆粗！」Eric補充指，因不能涉及家人。3人又自評其導師個性，火火自認是口硬心軟，Eric被指是最冷血，繼而兩人異口同聲形容劉美君是「愛的瀑布」，充滿愛。由於未正正接觸參賽者，他們稱有向監製，聽聞今屆的較為唱得、且更有個性，因為騎呢、火爆、咸濕也更勝上屆。