梁漢文學做反派搏鬧背叛女友玩一夜情

更新時間：17:16 2018-09-26 HKT
發佈時間：15:50 2018-09-26 HKT

張智霖、王陽明、薛凱琪主演的網劇《蝕日風暴》，集結秦沛、梁漢文、許紹雄、盧惠光、林嘉華等多位演員演出。劇中飾演大反派的梁漢文背叛恩師秦沛，誣陷忠良，而且還背叛女友，又跟新人張沛樂（沙律）玩一夜情，二人不乏床上戲。

梁漢文為角色下了不少功夫，「其實做奸角都好好玩，不過媽咪就比較反感，佢問我點解要接呢個角色，擔心我出街會畀人鬧！不過我就同佢講『依家時代唔同，我都想搏出街畀人鬧呀』。」

提到一夜情床戲，沙津笑指雖然只是點到即止，但拍攝時都非常緊張，「我在床上只用被單蓋住身，雖然裏面有打底，但因為要郁動，都怕有機會走光，經常就住就住又怕交唔到戲，好彩最後都順利完成。」沙津稱不介意有更激的演出，問到會否全裸上陣？她謂︰「有機會激啲都可以試下！只要劇情需要合理就可以了，但我的底線是不能全祼或意淫演出。」