【睇片】祥仔盧覓雪重組「Twins」合唱《風箏與風》網民大讚

更新時間：13:03 2018-01-21 HKT
發佈時間：12:32 2018-01-21 HKT

不少網民大讚兩人唱得相當深情。

祥仔（阮兆祥）同Michelle（盧覓雪），你分到嗎？傳媒人Michelle早年同祥仔合作拍MV《風箏與風》（風濕與風）熱爆網絡，不時便會有人翻抄。這對「Twins」大受歡迎，昨日便在節目《人生有幾多個福祿壽》再度重組姊妹檔，不少網民反應極好，大讚兩人都白白滑滑，歌喉不錯，「姊妹花終於再相認」，笑到趴地喎！
兩人一同身穿深湖水綠色出場，更梳了相同的髮型，若不是祥仔身高出賣他，「撞晒樣」很難才能分辨出他們。有網民則笑言「盧覓雪嘅歌聲咁好，真係難得」，甚至有人認為祥仔比Michelle更美。而片段更惡搞早年不同的《萬千星輝頒獎典禮》片段，最後更見到嘉欣BB（鍾嘉欣）激動落淚，或許是失散多年的姊妹花再相認，令嘉欣BB如此感動。
早前祥仔已經預告會重組「Twins」，賣花香指「扮得維肖維妙」，然而重口味不單無趕客更為兩人殺出一條新血路。其實高登仔一早便將Michelle叫作「女神阿雪」，未知他們將來會否正式出道，圓一班網民的心願呢？