江若琳被偶像周慧敏催婚　尾場繼續孖男友放閃

更新時間：13:13 2017-09-11 HKT
發佈時間：08:12 2017-09-11 HKT

Vivian現身與Elanne合唱《孤單的心痛》；Elanne即興奮得多次大呼「我愛你，女神」。

江若琳（Elanne）昨晚在尾場個唱中請來周慧敏（Vivian）擔任表演嘉賓；Vivian更搞笑地向Elanne催婚！Vivian現身與Elanne合唱《孤單的心痛》；Elanne即興奮得多次大呼「我愛你，女神」及擁抱、笑言要抽水，又似發緊夢。Vivian表示：「好開心能夠與你分享十周年快樂，亦好開心你邀請我做嘉賓時還說唱甚麼歌都得，因認識我所有的歌。」Elanne則說：「周慧敏姐姐，咁講好驚會對你唔住，但我真係細細個聽你嘅歌大，你仲好錫我，我有困難時會幫我，當我面對負面新聞，全世界都唔信我、誤解我，但我嘅女神偶像周慧敏姐姐、嚮還未認識我的時候，透過司機同我講相信我支持我，這一句真係給我好大力量！」Vivian鼓勵道：「我們都是在流言中長大，你用時間證明了畀我哋睇；今後都要繼續努力，我會睇你嘅戲聽你嘅歌。」Elanne請Vivian多唱一首時，更搞笑的安排了一張女神櫈給Vivian、及一張小學雞櫈給自己，當個小粉絲乖乖的坐著聽歌。當Vivian表示希望Elanne下次重要的日子也能分享，全場即大叫結婚！Vivian續指，不管是做生煎包皇后或是王子妃，都最重要開心，突然被催婚的Elanne帶點尷尬的笑指女神語出驚人。Vivian離開前再鼓勵Elanne說：「大家都希望你永遠幸福快樂，都會保護和愛你的。」Elanne再感激這位生命中的天使。當晚，Elanne除了得到男友蕭潤邦（Oscar）繼續在台上共舞；快歌環節，Elanne還即興邀請了座上客的張紋嘉、鍾舒漫和吳若希上台跳舞。王灝兒（JW）和男友、吳若希的男友等亦有捧場。受訪時，問到當晚與男友共舞、何以男友只吻額而不親嘴？Elanne輕呼道：「佢自己加㗎！綵排時都無，前一晚就突然加咗攬一攬、已經好冧，今晚可能mood到、就來個情深一吻。（Vivian和粉絲都催婚？）求婚都未，隨緣喇，其實大家都係朝著這個方向，唔急的，我係女仔，等男仔做主動我才配合。」當她提到尙有20日就30歲，加上辛苦做這個演唱會，有意旅行慶生時；問到是否預支蜜月或外地結婚？她笑謂：「我絕對唔會做這種驚天地泣鬼神的事，大家放心。」