嘴唇神聖留畀師兄錫祖兒開心粉絲接受男友

更新時間：21:26 2017-09-10 HKT
發佈時間：18:32 2017-09-10 HKT

祖兒指這位6呎3吋的高佬令她捧腹大笑。

容祖兒相隔4年再度辦簽名會，雖然遲了逾半小時，但無損粉絲熱情，吸引了數百粉絲逼爆商場。祖兒甫到場即致歉，原來途中遇上交通意外導致大塞車。繼而祖兒與粉絲連玩兩個遊戲，第一組的其中一名高佻四眼男粉絲玩得相當投入又跳脫、唱歌時動作多多，祖兒指這位6呎3吋的高佬令她捧腹大笑。怎料第二組的另一位男粉絲更厲害，男粉絲以紅唇在祖兒的相片上狂嘴，唯獨沒嘴到祖兒的嘴上，大家以為他是不夠膽，豈料他謂：「咁神聖，當然留給師兄（劉浩龍）喇！」搞到全場起哄之餘，祖兒亦嚇到彈後一步，更作狀打對方說：「有刺客呀，拉佢出去！」最後該名男粉絲成功勝出，祖兒笑指：「算啦，你好嘢，有咁嘅偶像就有咁嘅粉絲，我實會報仇！」訪問時，提到粉絲們很跳脫，祖兒認同道：「係呀，好開心，那名6呎3吋的高佬每次都會載歌載舞，不過這些90後久不久得閒見面就得喇，見得多會激死，事關佢有豐富嘅表演慾，哈哈。」笑問祖兒覺得這位高佬和師兄那個可愛？她笑指記者最可愛。問她神聖的嘴唇是否只留給師兄？她大笑道：「我都唔知點解，都唔知邊個教佢咁講，多事！（師兄係咪都好跳脫？）我跳脫啲，師兄都唔跳脫。（有無俾粉絲嚇一嚇？）簡直係刺客，發生乜事點解畀到刺客入來！」笑指代表了粉絲也喜歡師兄，祖兒聽完即扯開話題話好熱，但忍不住甜笑。再問粉絲是否已接受師兄？她笑笑口說：「咁唔係點啫，見我哋成日一齊，但咁都好、都開心，因為粉絲係最直接，鍾唔鍾意都唔會隱瞞，都係好事開心事。」她又高興指音樂會DVD反應極佳，但今次無得分紅，辦小型音樂會純粹為興趣，努力了18年才能搞一次，下次都應該是開紅館騷，始終都要為生計。