完美示範做個撒嬌的女人　王菀之貼片自認語氣過份嗲咗啲

更新時間：13:53 2017-05-08 HKT
發佈時間：11:27 2017-05-08 HKT

Ivana嗌得咁開心，睇阿老公捉到咁實就知架車真係超快超危險。

電視熱播緊《不懂撒嬌的女人》，王菀之（Ivana）今日凌晨就完美示範如何做個撒嬌的女人。話說Ivana上載一條與老公蘇卓航（Eric）遊泰國坐篤篤車的短片，留言：「考慮咗一陣，決定都係post，因為我自己都睇得好開心（...並未徵求佢同意...同埋唔好意思，語氣係過份嗲咗少少，畢竟條片原本只屬私人珍藏）！不過我以賽車手身分同大家講，Tuk Tuk有時開得好快㗎~」。
確實睇片都感受到架篤篤開得頗快，不過重點是Ivana用她向來的嗲腔同老公說：「好似好危險咁嘅啲篤篤，好快喎！」老公和應後，Ivana再撒嬌說：「我唔鍾意呀！佢好似好快呀！」期間Ivana似在玩過山車咁嘩啊哦啊，不過差不多返到酒店時，她就說：「都幾好玩喎，嘻嘻嘻嘻！」女人心真係變得快！網民就留言讚Ivana太可愛，都有讚Eric keep得好好。