吳奇隆官仔骨骨笑談與老婆造人大計。吳奇隆晚上官仔骨骨現身慶祝派對，他透露明天要飛新西蘭拍攝旗下公司投資的兩部古裝劇，負責製作，不會出演男主角，其妻劉詩詩則要由英國飛返北京工作。問這麼忙的二人會否沒空見面？奇隆說：「很快見到，唔使擔心，我哋很多時間見面，會互相遷就，上星期都見過。」說到有否送錶給太太？奇隆竟搞笑稱：「我哋有啦！同品牌經常合作，一早有，係有錶，唔係有二奶呀！」對於經常被催促造人，奇隆直指傳媒比他們更心急，但先要完成手頭工作才行。問是否想多賺些錢再造人？奇隆說：「咁又唔使。（你已經搵咗好多錢？）冇啦！」提到前緋聞女友楊采妮剛誕下孖B，奇隆表示：「梗係恭喜佢，係開開心心嘅事，呢個係最幸福嘅時候。（你都想生孖B？）呢個計唔到數。」奇隆稱生仔生女都好，但未跟老婆傾生幾多個，直言大家都鍾意小朋友。問到太太是否好心急？他笑說：「你哋心急啲，問完又問，答完又答，有你哋就會知。」奇隆表示暫時沒時間回港拍戲，亦推掉了一些電影合作，但有機會都想投資港產片。
李樂詩話出來見人先扮靚。同場的李樂詩（Joyce）稱正忙於準備演唱會及登台，現育有3名兒子的她被問到怕不怕被老公詐型？她稱：「老公好支持，佢係我fans，鍾意聽我唱歌，我喺屋企很不修邊幅，出來可以扮下靚，唱歌時見到觀眾的反應都會好開心，信心增加咗。」Joyce亦透露稍後會與老公歐遊過二人世界。（攝影：羅安強）
