專誠飛台灣睇孔劉　梁家玉攞正牌追星老公唔呷醋

更新時間：20:14 2017-04-28 HKT
發佈時間：17:40 2017-04-28 HKT

Sherie與法籍老公Jerome恩愛現身。

雷頌德太太梁家玉（Jade）與前女騎師江碧蕙（Sherie），出席珠寶活動。談及人氣韓星孔劉訪台開見面會，身為粉絲的Jade開心表示完騷後隨即飛往台灣追星，她說：「明天係見面會，我同兩個圈外女仔朋友Girl's Trip飛去當地，後晚回來，做咗媽咪之後去一個Trip都好難。我同兩個friend都會擺低小朋友，要老公幫手湊，很多年未試過。（老公會呷醋？）唔會啦！佢好鼓勵我做自己鍾意嘅嘢。」
Jade透露今次追星沒準備甚麼，希望下個月孔劉來港時有機會合照，可準備自己撰寫的烹飪書送給對方，又大讚孔劉高大靚仔有演技。問到讚其他男士靚仔會否惹來老公不悅？Jade笑指：「佢習慣咗，話我見一個鍾意一個，其實我個心喺佢到，想食下eye candy之嘛！男士都會睇靚女啦，我哋呢啲只會出口，追星都攞晒permission。」
另外，Sherie與法籍老公Jerome恩愛現身，讚老公是萬能助手，會幫她拿手袋、駕車、影相與拍片。Sherie現主力執教鞭教騎馬，有10多個徒弟，包括藝人陳蕊蕊。