专诚飞台湾睇孔刘　梁家玉攞正牌追星老公唔呷醋

更新时间：20:14 2017-04-28 HKT
发布时间：17:40 2017-04-28 HKT

Sherie与法籍老公Jerome恩爱现身。

雷颂德太太梁家玉（Jade）与前女骑师江碧蕙（Sherie），出席珠宝活动。谈及人气韩星孔刘访台开见面会，身为粉丝的Jade开心表示完骚后随即飞往台湾追星，她说：「明天系见面会，我同两个圈外女仔朋友Girl's Trip飞去当地，后晚回来，做咗妈咪之后去一个Trip都好难。我同两个friend都会摆低小朋友，要老公帮手凑，很多年未试过。（老公会呷醋？）唔会啦！佢好鼓励我做自己钟意嘅嘢。」
Jade透露今次追星没准备甚么，希望下个月孔刘来港时有机会合照，可准备自己撰写的烹饪书送给对方，又大赞孔刘高大靓仔有演技。问到赞其他男士靓仔会否惹来老公不悦？Jade笑指：「佢习惯咗，话我见一个钟意一个，其实我个心喺佢到，想食下eye candy之嘛！男士都会睇靓女啦，我哋呢啲只会出口，追星都攞晒permission。」
另外，Sherie与法籍老公Jerome恩爱现身，赞老公是万能助手，会帮她拿手袋、驾车、影相与拍片。Sherie现主力执教鞭教骑马，有10多个徒弟，包括艺人陈蕊蕊。