陸永整唔見老婆手袋 幸獲好心人拾獲
更新時間：12:07 2017-03-08 HKT
發佈時間：08:36 2017-03-08 HKT
發佈時間：08:36 2017-03-08 HKT
字體大小
「香港有咩好？好在有你」這句白陸永早前不停在電視節目上講，但昨日就親身感受到！他昨日在社交網站貼文，超緊急咁話：「大約一個鐘前喺鰂漁（魚）涌海山樓七仔門口停一停車，跌左（咗）我太太個手袋，裏面銀包有回鄉証等証件，明天（即今天）太太急需回鄉，如有任何發現或撿獲，請通知，請行一善，重酬，藍白色手袋仔，內藏粉紅色銀包」。
唔見咗手袋真係好麻煩，陸永隨即同老婆去警署報案，結果一去到就咁啱見到好心人執到後嚟報案。陸永話：「老婆望住報案室已經大叫，我個袋呀~~~原來同一時間好心王娟姐拎左（咗）個袋黎（嚟）警署，仲猛話見到我地（哋）失而復得佢自己實在好開心，少少茶錢都唔肯收，娟姐，多謝你呀！！！」
兩篇貼文只係隔咗大約30分鐘左右，所以話香港真係好多好心人。唔少網民睇到留言都好開心，讚「香港人精神，好人有好報」、「同一時間拎個袋嚟差館......好心之外這真是緣份」，有網民仲提議陸永「作返首好心王搵埋娟姐客串Rap幾句」添！陸永hashtag話同娟姐交換咗電話，唔知成唔成事呢？
唔見咗手袋真係好麻煩，陸永隨即同老婆去警署報案，結果一去到就咁啱見到好心人執到後嚟報案。陸永話：「老婆望住報案室已經大叫，我個袋呀~~~原來同一時間好心王娟姐拎左（咗）個袋黎（嚟）警署，仲猛話見到我地（哋）失而復得佢自己實在好開心，少少茶錢都唔肯收，娟姐，多謝你呀！！！」
兩篇貼文只係隔咗大約30分鐘左右，所以話香港真係好多好心人。唔少網民睇到留言都好開心，讚「香港人精神，好人有好報」、「同一時間拎個袋嚟差館......好心之外這真是緣份」，有網民仲提議陸永「作返首好心王搵埋娟姐客串Rap幾句」添！陸永hashtag話同娟姐交換咗電話，唔知成唔成事呢？
