巨肚謝安琪出巡食飯 珠圓肉潤氣色好
更新時間：14:23 2017-02-17 HKT
發佈時間：12:14 2017-02-17 HKT
發佈時間：12:14 2017-02-17 HKT
字體大小
謝安琪（Kay）去年9月中再有喜訊，現正等待雞年B女出世。日前傍晚，張繼聰Man爆「一拖三」，帶老婆Kay、腹中B女及9歲囝囝張瞻去尖沙咀開飯。預產期為下月的Kay，由於勁發福，孕婦女神刻意全身黑色密冚肥肉。只見肚大如籮的淡妝星媽，步出時散發陣陣星味。不過人妻原有瓜子面及身形變腫，個肚又巨，睇怕要執定「走佬袋」，隨時生得。
日前情人節，張繼聰帶老婆到屋企寓所簡單食飯低調慶祝。日前傍晚就補番數，大肚Kay與丈夫兒子一家三口出尖咀K11商場開飯。見他們早已買了幾袋戰利品，仲有盒cake畀「兩母女」做宵夜。只見佗B其間成日大呻「好肥好難影到一張正常相」的孕婦女神，當日刻意全身黑色密冚肥肉，面頰圓潤氣色好。兩母子背住門口卡位坐，一家點了海南雞飯及兩個小菜，有湯有肉有菜，大肚婆食得健康。
食至尾聲，阿聰發現記者，即chok行步出同記者寒暄，反轉cap帽戴的「rock仔」瞻瞻亦好奇跟實父親。之後，阿聰負責埋單跟手落樓取泊車優惠，再折返陪妻兒走人。見巨肚Kay起身有啲難度，需要老公攙扶，然後拖實乖仔離開。淡妝靚媽keep住好有氣質星味和人氣老公步出，仲同店員和食客揮手及微笑，超級親民。最後靚靚孕婦同記者揮手say hi，一家就搭Lift攞車返家。
連埋未出世B女，一家四口出巡食飯。
日前情人節，張繼聰帶老婆到屋企寓所簡單食飯低調慶祝。日前傍晚就補番數，大肚Kay與丈夫兒子一家三口出尖咀K11商場開飯。見他們早已買了幾袋戰利品，仲有盒cake畀「兩母女」做宵夜。只見佗B其間成日大呻「好肥好難影到一張正常相」的孕婦女神，當日刻意全身黑色密冚肥肉，面頰圓潤氣色好。兩母子背住門口卡位坐，一家點了海南雞飯及兩個小菜，有湯有肉有菜，大肚婆食得健康。
食至尾聲，阿聰發現記者，即chok行步出同記者寒暄，反轉cap帽戴的「rock仔」瞻瞻亦好奇跟實父親。之後，阿聰負責埋單跟手落樓取泊車優惠，再折返陪妻兒走人。見巨肚Kay起身有啲難度，需要老公攙扶，然後拖實乖仔離開。淡妝靚媽keep住好有氣質星味和人氣老公步出，仲同店員和食客揮手及微笑，超級親民。最後靚靚孕婦同記者揮手say hi，一家就搭Lift攞車返家。
