亨利拆局│練馬師王吼方嘉柏

更新時間：02:00 2026-10-07 HKT
發佈時間：02:00 2026-10-07 HKT

暫時跑了八次賽事，伍鵬志保持長勝紀錄，當然勝纜終有一日中斷，但佢今次出馬八匹又來大軍壓境，莫講繼續贏馬，就算封王亦有資格，所以伍廄都要望多兩眼。此外，告東尼至今仍未開齋，今期陣容亦見鼎盛，兵分九路兼半數有能力爭三甲，練馬師王亦宜考慮，唯一顧忌是佢今季運滯，是否捧場由閣下決定。冷門方面，羅富全有兩駒強配潘頓，連同其餘場次的馬匹，似是互相配合而來，予人感覺想食大茶飯。

回說投注對象，今期練馬師王我揀方嘉柏，雖然明知佢熱過火炭，但佢出馬九匹多數是精品，實在唔敢同黑夜之神作對，熱都唯有照捧。

重點爭分馬方面，「後無來者」上仗大勝，無疑早段留後走得順，但早已奠定勝局，贏馬姿態確靚，靠佢攞12分。「大千雄心」前仗可鬥贏「魅力知耀」，已流露具備三班水準，今次排八檔是缺點，換來分頭卻值得一博。「星運少爵」近兩仗跑田草都識追，回師谷草主場排一檔，難睇小。

目標：方嘉柏

賠率：2.4

全日惡馬第六場：後無來者

練馬師王最佳投注時機：第一場前