日本唔再抵玩？港人嘆2開支增一倍「貴過以前」網民認同：日圓跌都補唔返

更新時間：15:35 2026-10-06 HKT
發佈時間：15:35 2026-10-06 HKT

近年日圓匯率持續處於低位，不少港人趁機「唱錢」赴日旅遊。不過，近日有港人在社交平台發文，指即使日圓匯率下跌，但由於2項開支相較以往增加一倍，因此認為日本「無以前咁抵玩」。帖文引起網民熱議，有網民認同樓主所言，「同以前七算八算嘅時候冇乜分別」，即看下文了解詳情。

窮遊日本成歷史？港人感嘆遊日2開支「貴1倍」

近日，有網民在Threads發文，認為現時到日本旅遊已沒有以往划算。樓主認為，即使近年日圓匯率下跌，但機票及酒店的費用較以往「貴1倍」，「加埋貴過以前円對7嘅時候」。

樓主補充，現在已沒有所謂的「平機票」，「貴在機場稅，以前去旅行覺得有平機票好開心」；且酒店費用也大幅上升，過往以實惠見稱的連鎖商務酒店品牌「東橫INN」，近年房價也調漲，「以前平遊的酒店東橫都貴咗幾千円，仲要難book咗。以前淡季一人旅都會有一萬円左右的，現在想也別想。」對此，樓主感嘆每次旅遊計算機票及酒店費用後，再也不能「洗多洗少自己隨心」。

網民認同：全部都加曬價

帖文引起網民熱議，有網民認同樓主，「真，其實而家同以前七算八算嘅時候冇乜分別，酒店食嘢買嘢全部都加曬價，而家去東京追live酒店真係好貴」、「終於有人明」、「早兩個星期幫啲親戚book咗九州、長崎同埋福岡，都好貴，貴過我好耐以前去好多。」

有網民則指出日本當地物價亦有所上升，「的確係，連當地洗費都貴咗，以前帶十幾萬円已經好好洗，而家只夠食飯」、「我覺得機票酒店同開關個陣差唔多，係食嘢貴咗少少」、「感覺酒店機票都差唔多，但食飯真係貴好多。」不過也有網民坦言，即使旅遊成本上升，還是會到日本旅行，「好貴，但都會去，唯有買多啲、食多啲補返條機酒數」、「酒店明顯貴咗，不過去到買嘢食嘢都係好爽。」

圖片及資料來源：Threads

文：Y