祖馬龍心水│「星之願」摩西過紅海

名家專欄

更新時間：18:49 2025-11-18 HKT
發佈時間：18:49 2025-11-18 HKT

跑馬嘅時間過得特別快，唔經唔覺馬季已經接近四分一。跑馬嘅日子，個人特別有時間觀念，日子過得特別有意義，每年開季前夕都特別期待，畢竟無馬跑嘅暑假非常漫長。

好多馬迷都係打工仔，一個禮拜返五、六日工，禮拜三係一個禮拜嘅中間，有種吊頸可以唞下氣嘅感覺，又有少少似煲湯落鹽，帶出鮮味，可以調劑生活！

祖馬龍沒有十蚊博一球嗰種刀仔鋸大樹嘅雄心壯志，平時刨馬只係希望命中，好分頭就當係額外獎勵，有少少似茶餐廳做多幾輪客，密食當三番。

今期食食下乾炒牛河期間，飲啖凍檸茶，碌下馬會個手機App，發覺第五場「星之願」幾啱心水。上場覺得佢留得太後，以及太遲發力，導致直路追唔切，決定再畀機會佢。尤其今仗預計有步速，假如一堆快馬都開個慢步速，咁就唯有怨命。但祖馬龍相信緣分，或許「星之願」好似摩西過紅海咁，能夠靠一條直路衝上殺晒，希望上次輸咗，有助今次換來分頭。

第五場 2 飛龍在天 5 枕頭之星 3 天火同人
第六場 7 星之願 5 紅錢到 9 建測精英

↓立即下載星島頭條App↓