祖馬龍心水│「馬力」轉場謀交代

更新時間：19:47 2025-11-14 HKT
發佈時間：19:47 2025-11-14 HKT

幾時都話賽馬係主觀嘅，祖馬龍以瞎子摸象嚟形容刨馬。由季初到依家十九個賽日，暴冷暴熱經常發生。祖馬龍認為，今個馬季似乎要將固有概念全部推倒重來，重新學過。就好似AI革命咁，將人嘅工作、生活習慣統統改變。近來，我與十個八個馬迷朋友食飯，當每人講下自己心水，幾冷嘅馬都有人博，或者咁講，似乎馬場已經靜靜起革命。暑假時候，見到跑道經理點樣維護草坪，介紹下點樣播種、養草、澆水等，目的係令到比賽更加公平，少啲可預測嘅偏差。

今個賽日揀馬絕不容易，一堆新馬之餘，又有泥賽倍添變數。或者嗜冷嘅朋友會鍾意呢類賽日，但祖馬龍立場絕非開飯日子。

呢舖大膽貼「馬力」，快活谷搞唔掂轉嚟田草，全場對手雖則實力更高，但諗落呢個神部署，目的唔似減分，同場對手多數實力見盡，今次冷勿盡忘。此外，「愛馬善」上場前快後快，今次負頂磅排外檔，但好開嘅馬要繼續跟進。「錶之星河」由潘頓續掌帥印，即使上場贏完加磅，仍要尊重。

第七場 5 馬力 1 愛馬善 9 錶之星河
第十場 9 勁沙塵 3 幸運派彩 13 泰泰精神

↓立即下載星島頭條App↓