祖马龙心水│「马力」转场谋交代

更新时间：19:47 2025-11-14 HKT
发布时间：19:47 2025-11-14 HKT

几时都话赛马系主观嘅，祖马龙以瞎子摸象嚟形容刨马。由季初到依家十九个赛日，暴冷暴热经常发生。祖马龙认为，今个马季似乎要将固有概念全部推倒重来，重新学过。就好似AI革命咁，将人嘅工作、生活习惯统统改变。近来，我与十个八个马迷朋友食饭，当每人讲下自己心水，几冷嘅马都有人博，或者咁讲，似乎马场已经静静起革命。暑假时候，见到跑道经理点样维护草坪，介绍下点样播种、养草、浇水等，目的系令到比赛更加公平，少啲可预测嘅偏差。

今个赛日拣马绝不容易，一堆新马之余，又有泥赛倍添变数。或者嗜冷嘅朋友会钟意呢类赛日，但祖马龙立场绝非开饭日子。

呢舖大胆贴「马力」，快活谷搞唔掂转嚟田草，全场对手虽则实力更高，但谂落呢个神部署，目的唔似减分，同场对手多数实力见尽，今次冷勿尽忘。此外，「爱马善」上场前快后快，今次负顶磅排外档，但好开嘅马要继续跟进。「表之星河」由潘顿续掌帅印，即使上场赢完加磅，仍要尊重。

第七场 5 马力 1 爱马善 9 表之星河
第十场 9 劲沙尘 3 幸运派彩 13 泰泰精神

↓立即下载星岛头条App↓