祖馬龍心水│「葳莉非凡」轉場再搏

更新時間：18:21 2025-11-11 HKT
發佈時間：18:21 2025-11-11 HKT

祖馬龍一直對自己嘅中學母校感到光榮，今年母校150周年慶典，喺會展擺咗百幾二百圍，師兄、師弟們一吹雞就一呼百應。祖馬龍發覺，馬圈嘅師兄們好似特別活躍，有錢出錢、有力出力。可能大家平時喺馬場要滿場飛，聯誼、投注、飲飲食食，喺日復日嘅多功能訓練之下，個個都習得一身好武功，所以喺校友活動上都特別落力。當晚唔單止名人校友畀面，連行政長官都現身致詞。確實，聖若瑟書院係同香港一起成長。

校慶當晚，適逢翌日舉行莎莎婦女銀袋賽日，唔少校友同祖馬龍打牙骱，順便攞下貼士，祖馬龍一向知無不言，假如大家嗰日喺酒醉三分醒之下，聽到祖馬龍提供尾場嘅單棍連贏位置Q，又記得投注嘅話，歡迎你哋將部分收益撥捐校友會，大家一齊為母校出一分力！

今期又有好馬介紹，第六場「葳莉非凡」上場田草贏完即刻轉場，加磅之後呢次去快活谷，擺明要打疊交代。排十檔配見習生當然多啲嘢諗，不過匹馬好開，正路要揸膽。

第六場 1 葳莉非凡 5 譽友駿駒 10 翼羽陽明
第八場 4 龍文鞭影 2 星價 9 唯美主義

↓立即下載星島頭條App↓