祖马龙心水│「葳莉非凡」转场再搏

更新时间：18:21 2025-11-11 HKT
发布时间：18:21 2025-11-11 HKT

祖马龙一直对自己嘅中学母校感到光荣，今年母校150周年庆典，喺会展摆咗百几二百围，师兄、师弟们一吹鸡就一呼百应。祖马龙发觉，马圈嘅师兄们好似特别活跃，有钱出钱、有力出力。可能大家平时喺马场要满场飞，联谊、投注、饮饮食食，喺日复日嘅多功能训练之下，个个都习得一身好武功，所以喺校友活动上都特别落力。当晚唔单止名人校友畀面，连行政长官都现身致词。确实，圣若瑟书院系同香港一起成长。

校庆当晚，适逢翌日举行莎莎妇女银袋赛日，唔少校友同祖马龙打牙骱，顺便攞下贴士，祖马龙一向知无不言，假如大家𠮶日喺酒醉三分醒之下，听到祖马龙提供尾场嘅单棍连赢位置Q，又记得投注嘅话，欢迎你哋将部分收益拨捐校友会，大家一齐为母校出一分力！

今期又有好马介绍，第六场「葳莉非凡」上场田草赢完即刻转场，加磅之后呢次去快活谷，摆明要打叠交代。排十档配见习生当然多啲嘢谂，不过匹马好开，正路要揸胆。

第六场 1 葳莉非凡 5 誉友骏驹 10 翼羽阳明
第八场 4 龙文鞭影 2 星价 9 唯美主义

↓立即下载星岛头条App↓