祖馬龍心水│「幸運派彩」乘勢用盡

更新時間：18:43 2025-10-18 HKT
發佈時間：18:43 2025-10-18 HKT

本是一個極之平凡嘅禮拜六，但蘭域馬場上演咗全球最高獎金嘅珠峰錦標，祖馬龍一路食午餐、一路睇「嘉應高昇」行圈，港隊馬出席呢個盛會之餘仲要凱旋歸來，作為香港馬迷都感到光榮！其實「嘉應高昇」喺香港連贏十三場，基本上跑千二米全無對手，遠征海外當然係另一回事，不過隔晚一直大熱，證明備受重視。跑完最開心嘅係，臨場估佢會落飛之下，最終獨贏竟派十五蚊，可能普羅馬迷覺得派多一兩蚊無咩特別，但當大戶來講相差好遠。

呢個賽日，祖馬龍食住個勢支持第十場「幸運派彩」，佢上場贏得絕對唔輕鬆，甚至已出盡九牛二虎之力。不過，佢喺外地已由奧爾民策騎，來港之後亦見騎者當佢湊仔咁湊，不論晨操或出賽均一手包辦。距離上仗兩個禮拜，趁「幸運派彩」贏完仲有啖火，一於用盡佢，希望臨場因為對手增多而換番些少分頭，能給我一個幸運派彩！

第八場：4晒冷、2錶之星河、3耀寶
第十場：4幸運派彩、5美麗星晨、10勁沙塵

↓立即下載星島頭條App↓