「鋁神」(圖) 同主馬「竣誠駒」上季在東廄成績理想，相信此匹偉廄馬也會心急盡快交出表現。

波仔至醒靈活玩│「鋁神」交代心切

更新時間：02:00 2025-10-12 HKT
發佈時間：02:00 2025-10-12 HKT

剛周三夜賽潘頓谷草取得兩冠三亞，季內第四度封騎師王，雖然比對上季同期頭馬數字少四場，但筆者認為潘一哥陣上整體發揮頗稱職，較少礙眼鏡頭，相信好大可能是因為「嘉應高昇」將會出戰珠峰錦標，在面對一場重要賽事前，他要令自己盡快在季初入局，替馬王爭取榮譽。

潘頓今戰首次策騎第五場「鋁神」上陣，此駒初出一役如非受墮馬影響，睇走勢已有權闖入三甲，而當時實齡未足四歲的牠，之後於五月復出，雖然該仗前段步速唔快，令走外疊的牠不太吃力，但始終是初跑千四，而事後看鄰近對手均屬識贏分子，故殿軍水準更要調升，亦反映質新馬未受墮馬影響。再看上仗，馬兒沿途外疊競跑，彎位更抄出六疊發力，可謂蝕盡腳程，敗績當然未可作準。

今季「鋁神」開操後，快跳打磨工序逐步施壓，埋門從化閘起步反應理想，沿途望空競跑韁口見順滑，循序漸進，再觀乎今場曾在田草千二米上名的馬匹，其入位賽績大多數是在形勢有利下取得，所以戰鬥力未算太強，而同主馬「竣誠駒」上季在東廄成績理想，相信此匹偉廄馬也會心急盡快交出表現。

波仔靈活玩過關提供：

第二場二重彩 3 單式馬膽拖 2 6 8 12
第四場 Q/PQ 2 膽拖 4 5 10 12
第五場 WP 6

混合過關三串四共120注

↓立即下載星島頭條App↓